CERITA RAKYAT KARO "SARINDU TUBUH"
BAGIAN - 1
Tubuh me kune ndube anak nini, duwa diberu, sada dilaki. Empat
berngi iya, mate nandena, uwaluh berngi mate bapana. Tangis me Anak Melumang
rusur, nembeh sibas rumah
“Doah-doahken agindu ku ture”, nina, “langlang kami medem”.
Dowehkenna agina ku ture.
“Ola kam tangis agi, di kam tangis aku pesip kam, di aku tangiss,
ise ngapul aku?” nina.
Piyah sini Anak Melumang ndai, latih, latih i akapna tangis.
Tengah berngi simbagas me.
“Bibi, pulkal! Agingku sinik. Pekulah sibas rumah tunduh.
Tekuwak manuk me kune. Ku ture sibas rumah, ku rumah Anak Melumang
ras Sarindu Tubuh. Seh I rumah tangis ka Anak Melumang.
“Ah, rusur nge agindu tangis, embahkenlah kuteruh karang.” E
langlang lembu kalak ku karang. I embahkenna ku karang kerbo, kerbo pe la nggit
ndedehsa, embahkenna ku pintu lawang, e langlang me kalak ku juma, langlang me
lumba luwar, langlang me kerbo.
Nembeh me kemberahen kuta. “ Ombakken agindu ku lau ame!”
Tandangina lau mbelin. Seh me iya i pintu-pintu, jumpa ka ras
perjudi dobas, perbulang-bulang pasa cinggalang.
“totokenlah begu nandendu, sebutlah bagu bapandu. Di menang aku
kari erjudi ku ganda cimpa, ku ganda galuh, ku ganda pola”.
“Menang perjudi duwa tahil, i gandana cimpa, i berekenna man Anak
Melumang, terkujam-kujam anak melumang. I ganda na pola sicalung, i berekenna
man Anak Melumang, tersirup-sirup Anak Melumang. I ganda ka galuh, i berekenna
man Anak Melumang, terdilat-dilat Anak Melumang.
Mentas ku rumah kemberahen kuta, “ola siyar-siyar mbal-mbal
mbelang e ame, ombakkenlah aginndu ku lau.” seh mme iya i lau i totokenna ka
beu nandena, i totokkenna ka begu bapana.
“Ombakenlah anakndu enda”, nina, “aku lampas legiken nande, la nai
lit ingan i kegeluhen”.
Pulahina agina ke lau. Kalak mombak kahe-kahe, iya mombak kolu-kolu,
masir me iya ku tapin dilaki. Nggawang iya ku rumah, nggawang ku teruh karang.
Lit kalak mere babi terdilat-dilat Anak Melumang. Piyah mbelin Anak Melumang,
ngasup me iya erdalin-dalin, erdalin-dalin iya ku karang kerbo.
“Ingani kerbota ena agi”, nina anak permakan, “man aku lebe ku
rumah.” Man me anak permakan ku rumah, i dahupkenna sengkebabah, i sapukenna ku
keldungenna. Lewas ku barung anak permakan, i berekenna man Anak Melumang. Man
me Anak Melumang.
Ngasup me iya kiyam-kiyam, kiyam-kiyam iya ku mbal-mbal. “ Iyani
kerbota ena agi”, nina permakan kerbo, “enta ku legi gadung tutungen.”
0 komentar:
Posting Komentar